Telecom Offers

بینک سے ڈیڑھ کروڑ کا مال چوری کرنے والا گینگ گرفتار ملزمان نے ایک ماہ قبل ڈھوک منگٹال میں نجی بینک میں لاکر توڑ کر واردات کی تھی مال مسروقہ کی برآمدگی کے لئے ملزمان سے تفتیش جاری، سی پی او کی پولیس ٹیم کو شاباش راولپنڈی تھانہ رتہ امرال پولیس نے نجی بینک میں نقب زنی کی واردات کا سراغ لگا کر پیروگینگ سے تعلق رکھنے والے چھ ملزمان کو گرفتارکرلیا۔ پولیس کے مطابق ایک ماہ قبل ڈھوک منگٹال میں نجی بینک کے لاکر توڑ کر ڈیڑھ کروڑ روپے سے زائد مالیت کی چوری کی واردات ہوئی تھی۔ پولیس نے تفتیش کے دوران سائینٹفک بنیادوں پر تفتیش کرتے ہوئے چھ ملزمان شہزاد، ساجد، رومان، حاجی محمد لیاقت اور محسن کو گرفتارکرلیا۔ پولیس ترجمان کا کہنا تھا کہ ملزم شہزاد کا اسمگلر تھا اور متعدد بار جیل جاچکا ہے۔ ملزمان اورکزئی کے رہائشی ہیں اور عارضی طور پر بہارہ کہو میں رہائش پذیر تھے۔ ملزمان سے دوران تفتیش مال مسروقہ کی برآمدگی کے لئے تفتیش جاری ہے۔ ادھر سی پی او راولپنڈی احسن یونس نے بینک چوری میں ملوث ملزمان کو گرفتارکرنے پر پولیس ٹیم کو شاباش دی ہے۔  

  وزیراعظم عمران خان نے سول ڈرون اتھارٹی کے قیام کی منظوری دے دی ایکسپریس نیوز کے مطابق وزیراعظم عمران خان کی زیرصدارت ہونے والے اجلاس میں سول ڈرون اتھارٹی کے قیام کی منظوری دے دی گئی ہے، اتھارٹی کے سربراہ سیکرٹری ایوی ایشن ڈویژن ہوں گے، جبکہ دیگر ممبران میں ائیرفورس، سول ایوی ایشن، دفاعی پیداوار، داخلہ اور وزارت سائنس اینڈ ٹیکنالوجی کے سنئیر لیول افسران شامل ہوں گے۔ تمام   وفاقی اکائیوں بشمول آذاد جموں وکشمیر اور گلگت بلتستان سے بھی ایک ایک نمائندہ شامل ہوگا۔ اس کے علاوہ شعبے کے تین ماہرین بھی اتھارٹی کا حصہ ہوں گے۔ اتھارٹی میں تمام متعلقین کی شمولیت اتھارٹی کے فرائض کی انجام دہی اور اداروں کے درمیان بہترین کوارڈینیشن میں معاون ثابت ہوگی۔ سول ڈرون اتھارٹی کے قیام کا مقصد ملک میں ڈرون ٹیکنالوجی کا فروغ، ڈویلپمنٹ اور اس اہم شعبے کو ریگولیٹ کرنا ہے۔ سول ڈروان اتھارٹی کے پاس ڈرون ٹیکنالوجی کو ریگولیٹ کرنے کا، لائنسنوں کا اجراء،امپورٹ اور ملک میں پیدا وار کی اجازت دینے کے اختیارات ہونگے۔