Telecom Offers

  پانڈک میں بچی سے ذیادتی کرنے والے ملزم کا جسمانی ریمانڈ منظور ہری پور کے تھانہ سٹی کی حدودپانڈک میں بارہ سالہ لڑکی کے ساتھ ذیادتی کے مرتکب گرفتار ملزم کا پولیس نے عدالت سے ایک روزہ جسمانی ریمانڈ لے لیا، تفتیش کے بعد آج دوبارہ ملزم شاہد کو عدالت میں پیش کیا جائے گا۔ تفصیلات کے مطابق گزشتہ روز پانڈک میں بارہ سالہ لڑکی دخترآصف سے ذبردستی جنسی ذیادتی کی گئی جسے پویس نے مقدمہ درج کرکے بارہ گھنٹوں کے اندر اندر مذکورہ ملزم شاہد جوکہ پانڈک کا رہائشی ہے اُس کو گرفتارکرلیا تھا جس کا   عدالت سے جسمانی ریمانڈ لے کر مزید تفتیش شروع کردی گئی ہے ملزم کو جسمانی ریمانڈ کے بعد آج دوبارہ عدالت میں پیش کیا جائے گا۔  

اداکارہ حرامانی کو گھر کے باہر گھر گن پوائنٹ پر لوٹ لیا گیا کراچی میں اداکارہ حرامانی کو ان کے گھر کے باہر سے گن پوائنٹ پر لوٹ لیا گیا، مقبول فوٹو شیئرنگ ایپ انسٹاگرام اسٹوری پر اداکارہ کی جانب سے گن پوائنٹ پر لوٹے جانے کی ویڈیوز مداحوں سے شئیر کی گئی ہیں۔ دیڈیوز میں دیکھا جاسکتا ہے کہ اداکارہ کی گاڑی ان کے گھر باہر آکر رکتی ہے، جس کے بعد اداکارہ کا بڑا بیٹا گاڑی سے باہر آتا ہے اور گھر کی بیل بجاتا ہے بعدازاں ادکارہ کا دوسرا بیٹا گاڑی سے باہر آتا ہے اور عین اسی لمحے پیچھے سے موٹرسائیکل سوار دو ڈاکو اداکارہ کی گاڑی کے پاس آکر ان سے گن پوائنٹ پر موبائل لوٹ کر فرار ہوجاتے ہیں۔ بعدازاں ویڈیو میں اداکارہ کو گاڑی سے بھی نکلتے ہوئے دیکھا جا سکتا ہے۔ اداکارہ کے لُٹنے کی ویڈیوز سوشل میڈیا کے مختلف پلیٹ فارمز پر بھی کافی وائرل ہوگئی ہیں۔ جس پر صارفین میں بھی غم اور غصے کا اظہار کرتے ہوئے عدم تحفظ کے احساس کا اظہار رکرہے ہیں۔

حجاب ایک نظریہ ہے حجاب صرف کپڑے کے ایک ٹکڑے کا نام نہیں ہے، حجاج ایک تہذیب، ایک نظریہ زندگی ہے، ایک رویے کا نام ہے حجاب، جس کی غایت پاکیزگی ہے، جس کی ابتدا ہوتی ہے تخیل کی پاکیزگی سے، اس میں انسان اپنے پروردگار کی عظمت کا ادارک کرتا ہے اور اپنے مقام کا اعتراف کرکے خود کو مالک کی اطاعت میں محدود کرلیتا ہے، اور ان حدود کے باہر ایسے حجاب ڈال لیتا ہے جن کے پار دیکھنا تک گناہ سمجھتا ہے، چہ جائیکہ وہاں قدم رکھنے کا ارداہ کرے، اس لئے شرک سے جو چیز بچاتی ہے وہ بھی حجاب ہے اپنی اوقات اور حثیت کا ادارک ہونے کے بعد انسان کبھی خودکو مختارنہیں سمجھتا ہے کبھی جیسے چاہو چاہے جیو کا خیال تک اس کو نہیں آتا، رزق حرام کمانے اور کھانے، دونوں سے بچنے کی طاقت بھی حجاب ہے، حرام کھانے سے انسان اسی وقت تک رکتا ہے جب اللہ کے سامنے کھڑے ہونے سے یاتو شرماتا ہے یا اس کی سزاؤں سے ڈرجاتا ہے، تو یہ شرم اور خوف رکاوٹ بن جاتے ہیں اور یہی حجاب ہے۔ حجاب ایک طرززندگی ہے جس میں قوت ہے فواحش ومنکرات سے روکنے کی، غضِ بصر ہو یا الفاظ کا چناؤ، گھرمیں چاردیواری ہو یا کھڑکیوں پر پردے، مردوں کا کھنکھار کر گھر داخل ہونا ہو یا بی...

  بھارت میں مندرسے پانی پینے پر مسلمان لڑکے پر بیہمانہ تشدد بھارت کی ریاست اترپردیش میں ایک مسلمان لڑکے کو مندر سے پانی پینے پر بہیمانہ تشدد کا نشانہ بنایا گیا، واقعے کی ویڈیو سوشل میڈیا پر وائرل ہونے کے بعد ملزم کو پولیس نے حراست میں لے لیا، بھارتی ٹی وی کے مطابق ریاست اترپردیش کے شہر غازی آباد میں ایک مسلمان لڑکا پانی پینے کی غرض سے مندر میں داخل ہوا تو وہاں پر موجود ایک شخص نے مذکورہ لڑکے کو مارنا شروع کردیا۔ سوشل میڈیا پروائرل ہونے والی ویڈیو میں دیکھا جاسکتا ہے کہ تشدد کرنے والا شخص لڑکے سے اس کا نام اور اس کے والد کا نام پوچھتا ہے، جس سے ظاہر ہے کہ وہ لڑکا مسلمان ہے ویڈیو میں وہ شخص لڑکے مندر جانے کی وجہ پوچھ رہا ہے جس پر لڑکا جواب دیتا ہے کہ وہ پانی پینے گیا تھا اس کے بعد وہ شخص لڑکے کو مارنا شروع کردیتا ہے، لڑکے کے سر پر تھپڑ مارتے اور بازو مروڑتے اور پیٹ پر لاتیں مارنے کو ویڈیو میں دیکھا جاسکتا ہے۔ جب کہ مسلمان لڑکا خود کو بے یارومددگار بچانے میں مصروف عمل ہے، پولیس نے ملزم کی شناخت شرنگی نندن کے نام سے کی ہے، جس نے ریاست بہار کی بھگل پور یونیورسٹی سے ڈگری حاصل کررکھی ہے...

  ہری پورکانگڑہ کا رہائشی پاک آرمی کا نوجوان دہشتگردوں کی فائرنگ سے شہید ہری پور کے نواحی موضوع کانگڑہ کالونی سے تعلق رکھنے والا ایک اور سپاہی وطن پر قربان ہوگیا محمدجاوید گزشتہ روز پاڑہ چنار میں دہشتگردوں نے فائرنگ کرکے دوران ڈیوٹی شہید کردیا تھا۔ جن کا نماز جنازہ آج کانگڑہ کالونی سیکٹر نمبر ایک میں پورے فوجی اعزاز کے ساتھ ادا کیا جائے گا۔ تفصیلات کے مطابق گزشتہ روز پارہ چنار میں دوران ڈیوٹی ایف سی کے جوان محمد جاوید سکنہ کانگڑہ کالونی سیکٹر نمبر ایک کو دہشتگردوں نے دوران ڈیوٹی شہید کردیا تھا۔ شہید کا نمازجنازہ پورے فوجی اعزاز کے ساتھ آج کانگڑہ کالونی سیکٹر نمبر ایک ہری پور میں ادا کیا جائے گا

  عالمگیر بھکر قتل کیس کے ملزمان ریمانڈ پر جیل روانہ ہری پور گھمانواں روڈپربھکر کے رہائشی عالمگیر کو چارملزمان نے گاڑی چھننے کے بعد قتل کردیا تھا ہریپور کے نواحی علاقے تھانہ سرائے صالح کی حدود گھمانواں روڈ پر قتل ہونے والے ٹیکسی ڈرائیور عالمگیر خان جوکہ بھکر کا رہائشی تھا کے قتل میں گرفتار ملزمان جسمانی ریمانڈ کے بعد جیل روانہ کردیئے گئے، تفصیلات کے مطابق چند دن قبل گھمانواں روڈ پر ضلع بھکر کے رہائشی ٹیکسی ڈرائیور عالمگیر خان کو چار ملزمان نے ٹیکسی چھیننے کے بعد قتل کردیا تھا، جنہیں پولیس نے گرفتار کرکے گاڑی برآمد کرلی تھی اور ملزمان کا عدالت سے تین روزہ جسمانی ریمانڈ حاصل کرکے تفتیش کے بعد عدالت نے ملزمان کو جیل روانہ کردیا گیا ہے۔ سننے میں آیا ہے کہ یہ کوئی عاشقی معوشقی کا قصہ تھا۔